Хезмәт

Балтач районы

18+
2024 - Гаилә елы
Азьлане

Кисальын шулдыр праздник (фото).

Сала-Кушкет гуртын 22-тӥ феврале Толэз келянэн но Атаймузъемез утисьлэн нуналэныз валче шулдыр праздник ортчиз.

Сала-Кушкет - одӥг ульчаен, 56 юртъерен пыд йылаз юн сылӥсь гурт. Юртъеръёслэн чебересь но юнэсь луэмзы отын улӥсь калыклэсь тыршемзэ возьматэ. Тыршись калык ужаны но, пӧртэм праздникъёсты пусйыны но быгатэ.
Гуртлэн шортӥз ик шур бызе. Ӵапак со шур вылэ каток лэсьтӥллям. Йӧ дась ке но, сое тэгызтон вылысь ошмесысь ву нуллыса киськан, лымыез коттыса борт лэсьтон, сое буян, лымылэсь утялтон - та ваньмыз но егитъёс вылын. Каток вӧзын уйбыт кык прожектор ӝуа. Талэсь расходъёссэ Средний Кушкет гурт поселенилэн кивалтӥсез Юрий Михайлович Перфилов ас вылаз басьтэм шуыса, валай. Ялан тыл пиштыса улэ бере, катокысь калык но уг быры вылэм, ялан хоккеен шудо, конькиен нискылало.
Тани 22-тӥ феврале но соос асьсэлы праздник радъязы. Одӥг гуртысь ньыль команда люкаса, хоккеен шудонъёс ортчытӥзы. Командаос: уллапалан, центрын, выллапалан улӥсьёс но студентъёс. Мон лыктыку уллапаласьёс выллапаланъёсын туж ӟырдыт шудо вал. Отын ик нылкышноос мангалын табань, мильым пыжо, самоварен чай пӧзьто… Тани тазьы мылысь-кыдысь шутэтскон мылкыдлы шумпотон, каньыллык сётэ. Азьланяз но тазьы мед азинтӥськоз.
Хоккеен шудонын вормись луыса, центрын улӥсьёслэн командазы тодмостӥськиз. Оло, 8-тӥ мартлы но тунсыко ужрад ортчытыны малпало, дыр, кисальёс.
Гожтэмме йылпумъяса, сое вераме потэ: эшшо куд гуртъёсын вань меда тазьы ӵошен, сюлмысен но асьсэлэн мылкыд каремзыя праздник ортчытӥсьёс? Вань ке, редакцие ивортэ, мед тодозы, мукетъёс но адӟем мед карозы.

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: 250