Коррупция сярысь анай кылын

Тани туэ но, йӧскалык компонентэн школаосын тодон-валан люкась нылпиос пӧлын ортчытӥськем «Коррупцилы Ӧвӧл шуом!» творческой ужъёсъя республиканской конкурсэ пыриськыса, Покчи Лӧзя шоръёзо школаысь 11-тӥ классын дышетскись Алина Калинина удмурт кылын гожтэм сочинениеныз вормисе потӥз, нош Ципья шоръёзо школаысь 9-тӥ классысь Ксения Митрофанова со ик номинациын 3-тӥ призо интыез басьтӥз. Вераны кулэ, Ципья школа понна та конкурс кык полэс шумпотон вайиз — пор кылын гожтэм ужъёс пӧлын 8-тӥ классын дышетскись Полина Анеевалэн сочинениез но 3-тӥ интыен пусйиськиз. Коррупцилы пумит ӧръям республиканской конкурсъёсын вормем но призо инты басьтэм пиналъёс туннэ, 5-тӥ  толсуре, Казань Кремльын ортчем сӥё-дано ужрадэ пыриськизы. Нылъёсты но кивалтӥсъёссэс — Н.Л. Антоноваез, И.А. Черноваез но Л.И. Петроваез — сюлмысь ӟечкыласа азьланяз но азинсконъёс сӥзиськом.