Хезмәт

Балтач районы

18+
2024 - Гаилә елы
Азьлане

Тулыс мылкыд но сяськаос кузьмазы

Нылкышноослэн нуналзылы сӥзьыса, Вукогурт клубын бадӟым концерт возьматӥзы.

Артистъёсмы асьме гуртысь ик вал: пичиесь нылъёс-пиос, бадӟым классъёсын дышетскисьёс но ужась егитъёс. Сыӵе усто концертлы дасяськон трос дырез кулэ каре. Дышетскисьёслы урокъёслы дасяськоно на, фермаын ужасьёслэн но ужзы капчи ӧвӧл, ку вуиллям, дыр. Гуртамы нылпиос ӟучомемын ини, удмуртэн вазид ке но, шорад ӟучен вазё. Концерт но ӟучен луоз, дыр, шуыса клубе ваським. Номыр шоры учкытэк, выступленизы удмурт шӧмо ӧръяськиз. Кристина Григорьева нимаз висъяськиз Герман Ходыревлэсь кылбурзэ яркыт, пуштроссэ усьтыса лыдӟеменыз. Со котьку удмурт кылын чебер, мусо вераське, вераськемъя вераськем потэ соин. Кристинаен Камилла Парманова гимнастической элементъёсын эктон возьматӥзы. Римма Кузнецова но Елена Никитиналэсь чылкыт куараен сюлме пыӵась кырӟанэз быдэстэмзэс кельшытыса кылзӥмы. Нылкышноослы сӥзем удмурт кылбуръёс но веранъёс трос чузъяськизы. Артистъёс учкисьёсты зол серекъятӥзы пичиесь сценкаосынызы. Фёдоровъёслэн Алёша но Андрей внукъёссы пичиесь ке но зэмос артистъёс кадь шудӥзы. «Меленка» ансамбле пыриськем ужась егитъёс, синмез мальдытӥсь чебер концерт дӥськутъёсын дӥсяськыса, трос пӧртэм эктонъёс возьматӥзы но кырӟазы. Задор эктонъёсты возьматӥзы дышетскисьёс Карина, Софья Яковлеваос, Оля Кузнецова, Надя Чернова. Быгатыса эктӥзы но кырӟазы Маша Григорьева, Эльза Филиппова, Полина Кузнецова, Камилла но Кирилл Пармановъёс. Асьсэ киосынызы лэсьтэм розаосты пияшъёс нылкышноослы кузьмазы, витьымтэ шорысь кузьым лэсьтӥзы. 

Мар куспын сыӵе усто артистъёс луиды ини — шуыса юамелы валэктӥзы: «Милям дышетӥсьёсмы устоесь, жадёнэз валатэк тыршо. Весь ӝуткало ужрадъёс ортчытъяны, тэк пукыны эрик уг сёто.  Нылпиосын кивалтэ Анна Григорьева, программа дасянын тырше Марина Залкеева, та педагогъёслы тау кароно. Асьсэос ик концерт номеръёсамы но пырисько. Конкурсъёсын вормонъёс но басьтӥмы ини». 

P. S. Звукооператоръёс гинэ туж кужмо музыкаен кырӟасьёслэсь куаразэс ӝокатӥзы, йырез онгратӥзы. Клубмы вуж но пичи шуыса лыдэ ӧз басьтэ, лэся.

В. Пашкеева, Вукогурт

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Галерея

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: вукогурт