Ымусьтон лулпуштэс мед чылкытатоз!

Выль ар вуон - со вуж арысен выляз, толысен гужеме выжон вакыт. Та дыр ас сьӧраз кышкытъёсты но вае. Удмурт калыклэн сям-йылолъёсаз та выжонлы вань нимысьтыз покчиинмар (божество) - Вожо. Со туж лек, таин сэрен пӧртэм кышкытъёс но кылдӥзы. Йылолъёс-выжонъёс вакытэ арбериосын зол куара поттыны уг яра вал.

Ымусьтон - православнойёслэн выль арын нырысетӥ валтӥсь праздникез.

Вожо арня дыре озьы ик удмуртъёсын туж вӧлмемын вал пӧртэм тунаськонъёс но. Кылсярысь, нылъёс капка сьӧры сапег куязы но учкизы, кытчы сапеглэн нырыз возьматэ: отчы ик со бызёз. Эшшо одӥгез - пуньые ву лэзьяно, со пуньыез кезьыт интые пононо - ву мед кынмоз. Собере ӵукна учконо: ву мувыръёсын кынмемын ке - секыт иворъёс вуозы, нош ву каньыл, шонер ке кынмемын - ваньмыз улоназ умой луоз.

Православной адями азьло ик со Инмарлы оскись. Инмар дуннеез кылдытӥз, улон кузьмаз, азьланезлы осконъёс пыӵатӥз. Улонлэн пӧртэм дыръёсыз луизы ке но, ваньмыз малы ке но дышетэ, маин ке паймытэ. 

Соин, Ымусьтон лулпуштэс но йырсазьдэс мед чылкытатоз, выль чылкыт малпанъёсын азьлане вамыштомы!