Имин дөньяларда бәхетле яшәргә язсын!

Хөрмәтле сугыш һәм тыл ветераннары! Сезне олы бәйрәм – Бөек Ватан сугышында Җиңүнең 77 еллыгы белән тәбрик итәм!
Бөек Ватан сугышы вакыйгалары ерагая барса да, ул чорны кичергән буын күңелендә дәһшәтле еллар кайтавазы яңара гына. Бик кызганыч, ветераннарыбыз елдан-ел кими. Райондашларыбыз сугышның беренче көненнән үк үз-үзләрен аямый көрәште, күбесе яу кырында мәңгелеккә ятып калды. Тылда исә бөтен хезмәт хатын-кызлар, балалар кулына калды. Алар фронт өчен тырыштылар. “Барысы да җиңү өчен!” дигән лозунг астында иген иктеләр, урман кистеләр, җылы киемнәр бәйләделәр-тектеләр, кирәк-яракны әзерләделәр. Җиңү таңы миллионлаган кешенең зур тырышлыгы бәрабәренә генә яуланды.
Хөрмәтле сугыш һәм тыл ветераннары, солдат хатыннары, сугыш чоры балалары! Барыгызны да 9 май - Бөек Җиңү көне белән котлыйм, саулык-сәламәтлек, шатлык-куанычлар телим! Имин дөньяларда, балаларның, оныкларның, янәшәдәгеләрнең кадер-хөрмәтен күреп, бәхетле яшәргә язсын!

Васыйл Вәлиев, Балтач районы хәрби комиссары.