Казанлыларга «Үлемсез полк» портретларын ясауга таләпләр турында игълан иттеләр

«Үлемсез полк»та катнашу өчен туганнарның портретын бизәгәндә акциянең рәсми логотибын гына кулланырга кирәк, дип кисәттеләр балалар һәм яшьләр эшләре буенча комитетта.

Фотографияне акциянең рәсми сайтыннан файдаланып, махсус рамкага рәсмиләштерергә мөмкин. Башка порталларда таләпләргә туры килми торган искергән логотип урнаштырылырга мөмкин, шуңа күрә аларны куллану киңәш ителми.

Исегезгә төшерәбез, «Үлемсез полк»ка сәгать 12:00гә чакыралар – төш вакытында Карл Маркс һәм Толстой урамнары киселешендә колонна формалаша башлаячак. Йөреш үзе 15:00 дә старт ала һәм Карл Маркс, Лобачевский һәм Кремль урамнары буйлап узачак, соңгы нокта – Меңьеллык мәйданы.

Шул ук вакытта бәйрәм өчен традицион мәйданчык Меңьеллык мәйданы булачак. Парад иртәнге 10да башлана. Маршта Казан гарнизоны гаскәрләре, хәрби хезмәткәрләр, СВО катнашучылары, шулай ук хәрби училище курсантлары катнашачак. Парад Җиңү паркында да узачак - анда өлкән сыйныф укучылары, конкурста җиңүчеләр һәм яшь армиячеләр катнашачак. Балалар өчен дистәләгән мастер-класслар үткәреләчәк.

Вечерняя Казань