Иртәгә барлык мөселман дөньясы белән бергә Балтачыбызда да Корбан гаете булачак. Гает намазына килү тәртибен Балтач үзәк мәчете имамы Рамил хәзрәт Бикбаев аӊлата:
- Балтач үзәк мәчетенә бәйрәмгә үзәк хастаханә ягыннан килүчеләр иртәнге 4 тулып 15 минутта элекеге аптека тыкрыгы янында («Алтын ай» кибете) җыелып, тәкъбир әйтеп төшәләр. Норма ягыннан килүчеләр нәкъ шушы вакытта автовокзал янында җыелып, шулай ук тәкъбир әйтеп менәчәкләр. Иртәнге намаз сәгать 4 тулып 50 минутта укылачак. Вәгазъ сөйләнгәннән соӊ, Корбан гаете намазы укылачак.
Балтачыбызда урнашкан «Раиф» мәчетенә бәйрәмгә килүчеләр дә шушы ук вакытларда мәчет урнашкан каенлыкныӊ аскы һәм өске ягында җыелып, тәкъбир әйтеп шунда гаеткә киләчәкләр. Ул мәчеттә дә укылу бердәм вакытта булачак.
Нет комментариев