Быелгы хаҗиларның барысы да Татарстанга кайтты
Казаннан Мәдинәгә 1461 татарстанлы очты, ә 339 кеше хаҗга Мәскәү аша юл тотты. Мөселманнарны Казанның 20 табибы озата барды
Быел Татарстаннан хаҗ сәфәренә барган барлык мөселманнар да республикага әйләнеп кайтты. Бу хакта Татарстан Республикасы Рәисе матбугат хезмәте хәбәр итә.
Бүген, 10 июньдә, Казанга хаҗилар утырган соңгы рейс кайтып төште. Бу — тоткарлык белән килеп җиткән бердәнбер рейс.
2026 елда республикадан 16 майдан 20 майга кадәр 1800 кеше хаҗга китте (беренче дүрт төркем 16 май иртәсендә юлга чыкты). Алар арасында төбәк җитәкчелегенең ярдәме белән махсус хәрби операциядә катнашучы 200 хәрби һәм аларның гаилә әгъзалары да булды.
Казаннан Мәдинәгә 1461 татарстанлы очты, ә 339 кеше хаҗга Мәскәү аша юл тотты. Мөселманнарны Казанның 20 табибы озата барды.
ТР мөселманнары Диния нәзарәте хаҗилар 3 июньнән кайта башлаячак, дип хәбәр иткән иде. Шулай итеп, Татарстан хаҗилары биш көн буе барды һәм җиде көн буе кире кайтты.
Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев