Лимон сугы ябыктыра

Зифа буй-сынлы булу өчен лимонлы су белән дуслашырга кирәк, ди белгечләр. Ник дигәндә, лимонлы су матдәләр алмашын яхшырта. Ябыгу өчен 1 стакан җылы суга ярты лимон суты сыгарга, шуны көнгә ике тапкыр яртышар стакан эчәргә кирәк. Бал кушарга да ярый. Аны ач карынга эчү файдалы.

Моннан тыш, лимон С витаминына бай. Анда А, В, Р витаминнары күп. Ул иммунитетны ныгыта, С витамины грипп һәм салкын тиюдән саклый, ашкайнату эшчәнлеген җайга сала, эч күпкәндә, паразитлар булганда да файдасы бар. Бөерләр эшчәнлеген яхшырта, бәвелне, үт суын куа, токсиннарны чыгара, канны, бавырны чистарта. Лимон суы организмда лайланы киметә, шуңа аның астма, бронхит авыруларыннан да файдасы исбатланган.

Әмма лимон сутын чамасын белеп кенә кулланырга кирәк. Ул теш эмален какшата. Шуңа күрә лимон суты эчкәннән соң авызны чайкату хәерле. Аны көнгә 1 стаканнан да артык эчәргә ярамый. Сару кайнау, ашказаны-эчәк чирләре булганда да лимон суты эчәр алдыннан табиб белән киңәшләшергә кирәк.

Автор: Гөлия Мөгаллимова

Чыганак