29нчы ноябрь иртән, 7.53 сәгатьтә бердәм коткару телефоны аша Янсыбы авылы янында ага торган елга аша салынган күпер төбендә, су эчендә җиӊел машина күренүе турында хәбәр алына.
Коткаручылар килеп җиткәнче автоледи түбәсенә әйләнгән машинасы эчендә була. Яртылаш суга баткан машинада утырганда аныӊ башында нинди уйлар килгәндер, әйтеп булмый, әмма исән-сау калуына шәт, шөкер иткәндер. «Гранд-Витара» машинасын, коткаручылар махсус җайланма һәм техника белән озак азаплангач, тартып алалар. Төрле тән җәрәхәтләре алган шофер хатын-кызны табиблар кулына тапшыралар, аныӊ тормышына куркыныч янамый, дип белдерәләр Кукмара хастаханәсендә.
Нет комментариев