Ел башыннан суд приставлары 1 млрд сумнан артык алимент түләткән

Суд приставлары 2026 елның беренче кварталында административ хокук бозулар турында Россия Федерациясе кодексының 5.35 маддәсе (алиментларны нигезле сәбәпләрсез түләмәү) буенча 690дан артык беркетмә төзегән. 300ләп җинаять эше кузгатылган (РФ Җинаять кодексының 157 маддәсе), дип сөйләде  Федераль суд приставлары хезмәтенең Татарстан Республикасы буенча Баш идарәсе җитәкчесе Әнвәр Закиров.

- Моннан берничә ел элек булган үзгәртеп форматлаштыру нәтиҗәсендә һәм бурычлы булган вәзгыятьтән чыгып, төгәл эш нәтиҗәсендә бу калдыкны кыскартырга һәм алимент буенча түләтелгән сумманы арттырырга мөмкинлек бирә. Берничә ел дәвамында без балаларны карау өчен түләтелгән сумманың артуын теркибез. Монда ата-аналары әлеге хокуктан мәхрүм ителгән балалар да керә, - дип сөйләде Закиров.

2025 елда якынча 4 млрд сум алимент түләтелгән. Елдан-ел сумма арта. Шулай ук суд приставларының федераль хезмәте түләтүчеләр белән онлайн-кабул итүләр үткәрә. Бу Казанга килмәскә мөмкинлек бирә, якындагы бүлекчәгә килү дә җитә. 

Закиров Татарстанда алимент түләмәүчеләр санын 2-3 мең кеше дип бәяләде.

Реальное время