Татарстанда законсыз балык тоткан өчен 900гә якын кешегә штраф салынды

Республикада 25 апрельдән 5 июньгә кадәр «Уылдык чәчү» операциясе булды. Инспекторлар балык тоту кагыйдәләрен бозучы браконьерларны ачыкладылар.

Биоресурслар буенча ТР Дәүләт комитеты рәисе урынбасары Радик Мотахаров хәбәр иткәнчә, бу вакыт эчендә сулыклардан тыелган 1687 балык тоту коралы алынган, булдырылмаган зыян 35 млн сумнан артып киткән.

865 балыкчы административ җаваплылыкка тартылган (штраф — 2 меңнән 5 мең сумга кадәр). Җинаять эше билгеләре булган 28 факт ачыкланган (500 мең сумга кадәр штраф яки ике елга кадәр иректән мәхрүм итү).

Әйтик, Куйбышев сусаклагычында ятьмә һәм 22 балык тоткан ир-атны тоткарлаганнар, ә «Агыйдел дельтасы» тыюлыгында ике браконьер законсыз рәвештә 445 кысла тоткан — җинаять эше кузгату турындагы мәсьәлә хәл ителә. Уңайлы уылдык чәчү өчен белгечләр Куйбышев һәм Түбән Кама сусаклагычларында 27 км дан артык уылдык чәчү урыннары урнаштырганнар.

Казанские ведомости