Яңгул мәдәният йортында авылның моңлы җырчысы, оста гармунчы Рузилә Габдрахманованың 60 яшьлек юбилей кичәсен уздырганнар.
Кичәдә юбилярның балалары, оныклары, туганнары, кода-кодагыйлары, хезмәттәшләре катнашкан. Рузилә ханымның хезмәтен югары бәяләп, мәдәният бүлеге, авыл җирлеге, "Яңа тормыш" җәмгыяте бүләкләр белән сөендергән. Фойеда юбилярның кул эшләреннән күргәзмә дә оештырганнар.
- Күңелләргә үтеп керерлек эчкерсез, матур кичә булды. Соңыннан тамашачы олы хөрмәткә лаек Рузилә ханымны аягүрә басып алкышлады, - дип хәбәр итәләр мәдәният йортыннан.
Нет комментариев