Агымдагы елныӊ 26 маенда икенче чакырылыш Балтач район Советының утыз алтынчы утырышы узды. Аныӊ эшендә Татарстан Республикасы Дәүләт Советы Рәисе урынбасары Римма Ратникова катнашты.
Утырыш каравына тәкъдим ителгән районының 2015нче ел бюджетының 3 айлык үтәлеше, Балтач муниципаль районында милләтара һәм дини конфессияләр арасындагы мөнәсәбәтләрнең торышы, районының Мактаулы гражданы исемен бирү һәм Балтач районының балигъ булмаган балалар белән эшләү һәм аларның хокукларын яклау комиссиясенең эшчәнлеге турындагы мәсьәләләр депутатлар, район башкарма комитеты, район Советының җаваплы хезмәткәрләре, авыл хуҗалыгы, предприятие, оешма, учреждение җитәкчеләре, мәктәп директорлары, дин әһелләре һәм шәхси эшмәкәрләр катнашында каралды.
Нет комментариев