Балтач район Советы утырышлар залында «Бердәм Россия» партиясенеӊ Балтач җирле бүлегенеӊ 23нче конференциясе булып узды.
Анда 80 вәкил катнашты. Куелган төп мәсьәлә - партиядән район Советы утырышында карар өчен Балтач район башлыгы һәм район Советы җитәкчесе кандидатурасын күрсәтү иде.
Яшерен тавыш бирү бюллетененә 2 кандидиат - Рамил Нотфуллин һәм Рәис Садыйков кертелде. Яшерен тавыш бирү нәтиҗәсендә зур өстенлек белән Рамил Нотфуллин җиӊү яулады һәм ул иртәгә Балтач район Советыныӊ оештыру утырышына район башлыгы, район Советы рәисе кандидатурасына тәкъдим ителде.
Нет комментариев