Татарстан Президенты Рөстәм Миңнеханов хокук саклау органнарына социаль челтәрләр аша ялган хәбәрләр таралуны туктату буенча тиешле чаралар кулланырга кушты.
Бу хакта Президентның матбугат хезмәте башлыгы Андрей Кузьмин җиткерде. "Социаль челтәрләрдә халыкны теракт һәм диверсия белән куркыту - коткы салу гына! Кемдер җәмгыятьтә киеренкелек булдырырга һәм халыкны куркуга калдырырга тели", - диелә хәбәрдә.
Андрей Кузьмин җиткерүенчә, республиканың хокук сагындагылар әлеге мәгълүматның каян килеп чыгуын да тикшерә. Халык тынычлансын һәм әлеге хәбәрне алга таба таратмасын иде, ди ул.
Чыганак: http://intertat.ru/
Фото: http://norlur.am/
Нет комментариев