Билгеле булганча, 2015 ел - йөрәк-кан тамырлары авырулары белән көрәш елы.
Бу уңайдан, Чепья хастаханәсе хезмәткәрләре зур активлык күрсәтә. Алар үз территорияләрендәге оешмаларда булып, йөрәк-кан тамырлары авыруларын китереп чыгаруга сәбәпче булган факторларны аңлата. Күптән түгел алар "Халыклар дуслыгы" музее хезмәткәрләре белән очраштылар, лекция укыдылар.
Музейда бүгенге көндә эшләүчеләрнең һәм пенсия яшендәге хезмәткәрләрнең кан басымы үлчәнелде, холестеринга кан тапшырылды. Алар үзләрен борчыган сорауларга җавап алу бәхетенә ирешеп, медицина хезмәткәрләренә бик рәхмәтле булып калдылар.
Нет комментариев