Бочча ярышы буенча Татарстан Чемпионатында безнекеләр матур уен күрсәтте

Биредә район-шәһәрләреннән 8-9 команда җыелган. Балтач командасы матур нәтиҗәләргә иреште. Зурлар арасында 1урынга Балтачтан Фәнис Сөләйманов ия булып, диплом һәм медаль белән бүләкләнде. Балалар арасында икенче урынга Көшкәтбаштан Ислам Гобәйдуллин лаек булса, зурлардан Антон Петров (Балтач) өченче булды. Балтачтан Максим Александров, Кариледән Рузия Галиева ярышларда үзләренең көчләрен сынап матур гына уңышларга ирешеп командага өстәмә очколар китерде. Спортчылар ярышка оештырып алып барган тренерлары Фагыйль Гайнетдиновка, яшьләр һәм спорт бүлеге җитәкчесе рөстәм Заһидуллинга, район хакимиятенә рәхмәтле булуларын белдерә.