Аномаль эсселекнең кайчанга кадәр дәвам итәчәге билгеле
Ялларга кадәр эссе һава торышы сакланачак.
Россиянең Европа өлешендә аномаль эссе һава торышы ялларга кадәр дәвам итәчәк. Үзәктә атна уртасында һава температурасы +36 градуска кадәр күтәреләчәк.
«Һава үзгәрә тора, пәнҗешәмбегә кадәр ул җылына барачак. Һава температурасы да күтәрелә генә: болытлар юк, кояш энергиясе күп. Чүлләрдә дә нәкъ шундый һава торышы», — дип сөйли РФ Гидрометеорология үзәге фәнни җитәкчесе Роман Вильфанд.
Бүген терекөмеш баганасы 31дән 33 градуска кадәр җылы күрсәтәчәк. Сишәмбе көнне 31-35, чәршәмбе — 34-36 градус җылы булачак. Белгеч сүзләренчә, аномаль җылы һава торышы Рус тигезлеге өстендә урнашкан антициклон нәтиҗәсендә формалашкан. Андый антициклон вакытында, дымлы һава массалары перифериядән үтә, үзәккә барып җитми.
Пәнҗешәмбе-җомга көннәрендә антициклон күчә, шуның нәтиҗәсендә Үзәк федераль округ аның җылы өлешендә булачак. Әмма эссе һава торышы (+34 градуска кадәр) шимбәгә кадәр сакланачак.
Тулырак: ТИ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев