Авыл урамнарын этләр басты. Күптән түгел генә бу хакта хәбәр иткән идек инде. Әллә газетабызны укымыйлар, әллә укып та ваемсызлык күрсәтәләр, әллә инде берәр баланы урам уртасында этләр ботарлаганын көтәләрме?..
Белмәссең?! Әйтерсең лә, район газетасын этләр генә укый, алар көнләп үрчиләр... Кайбер хуҗалар иш янына куш булсын дип, бәйдәге этләрен дә ычкындырып җибәрәләр шунда. Тәүлекнең теләсә-кайсы вакытында каршыңа килеп чыгып куркытырга да бик мөмкин алар. Берничә көн элек
"Кариле авылы урамында этләр ботарлап китә язды", дип Миңзифа апа хәбәр иткән иде инде. Норма авылыннан да "Урамнарда өерләре белән этләр йөри, балаларны үзләрен генә урамга чыгарып җибәрергә куркабыз", дип зарландылар.
Балтач белән Карадуган урамнарында да шул ук хәлләр. Авыл җирлеге башлыклары моны игътибарга алсыннар инде, ниһаять!
Фото: news.koblevo-info.com
Нет комментариев