Балтачыбызның кайбер авылларында иске райпо кибетләре таушалган хәлдә әле дә «көн» күрә. Дөрес, кайберләре инде сүтелде, ләкин бүгенге көндә «исән» калганнары арасында Иске Торҗаныкы да бар.
Ул буш булса да, авылга үзенчә ямь өстәп, елның нинди генә фасылында да чәчкәләргә күмелеп утыра. Әлеге гүзәллекне авыл кешеләре үзләре тудырган икән һәм бу эш быел Питрау бәйрәме уңаеннан эшләнгән. Матурлыкны тудырырга теләк булса һәм фантазияңне жәлләмәсәң, ничә еллар бинасы гына сакланып килгән кибетне дә гөлләргә күмеп була шул. Афәрин, сезгә Иске Торҗалылар.
Нет комментариев