Машина кемгә «тәтегән»

Рөстәм Миңнеханов унынчы съездда йомгаклау сүзе белән чыгыш ясады. Ул узып баручы елда сайлаулардагы югары күрсәткечләр Хөкүмәт белән җирле үзидарәләрнең бердәм һәм тырыш хезмәте нәтиҗәсе булуын ассызыклады.

- Соңгы биш елда муниципаль берәмлек башлыкларының яртысы эшеннән китте. Мөстәкыйльлекне, җаваплылыкны күтәрә алмыйча бер чакырылышны да эшли алмаганда, нинди сыйфат турында сүз барырга мөмкин? Хөкүмәт тарафыннан кадрларга этәргеч буларак эшчәнлекләрен премияләр белән билгеләп үтү, пенсия, эш автомобильләре, компьютерлар белән тәэмин итү каралган. Бүген дә Татарстан Президенты йөз җиңел машина һәм автобустан ачкычлар тапшырды, - диде республика муниципаль берәмлекләр Советы җитәкчесе Минсәгыйть Шакиров.

Балтач районныннан Карадуган һәм Пыжмара авыл җирлеге башлыкларына «Нива-Шевроле» җиӊел машина ачкычлары тапшырылды. Бүгенге көндә районныӊ барлык җирлек башлыклары үзәкләштереп җиӊел машиналар белән тәэмин ителгән, Карадуган җирлеге соӊгы 3 дәвамында инде икенче маштнасын алыштырырга өлгергән.