Җәй - тынчу биналардан урамга чыгып, кояш нурлары белән уйнау өчен иң рәхәт вакыт. Ә җәйге гүзәл табигать кочагында утырып китап укудан яки ачык һавада мультфильм караудан да рәхәт әйбер була аламы икән?
Нәкъ менә шундый мөмкинлекне 17 август көнне «Факел» клубы хезмәткәрләре бүләк итте. Алар район үзәк китапханәсе белән берлектә «Урам китапханәсе» оештырды. Соңыннан исә «Робинзон Крузо» мультфильмы күрсәттеләр. Мондый чара беренче мәртәбә генә үткәрелүенә карамастан, 50дән артык кеше кызыксынуын белдерде. Мультфильмны балалар уеннарын да онытып күзәттеләр һәм яңадан «Факел»лыларның килүләрен сорадылар.
Илүзә Разыкова фотолары.
Нет комментариев