Татарстанда йөрәк һәм кан тамырлары чирләрен киметү максатыннан, сәламәтлек министрлыгы профилактик эшләр алып бара. "Татарстан йөрәге", "Кан басымыңны бел" дигән акция кысаларында хезмәт коллективларында профилактик тикшерүләр узды.
Үзәк хастаханә хезмәткәрләре районда андый күзәтүләрне еш үткәрә. Безнең "Хезмәт" коллективы да бу чарадан читтә калмады, кичә министрлыкның Казандагы медицина үзәгендә тишеренүләр үтеп кайтты. Әлеге үзәктә зур бәйгеләргә әзерләнүче, танылган спортсменнарның, хоккей, футбол һәм башка спорт төре командаларының медицина тикшерүе узуын исәпкә алсак, безнең сәламәтлегебез дә тиешле югарылыкта каралгандыр дип уйлыйбыз.
Райондашларыбызны урынлы яңалыклар белән тәэмин итәргә, сорауларга җавапны кыюланып эзләп алырга, урталыкны табып язарга безгә дә таза йөрәк кирәк, ләбаса. Шөкер, күңелсез нәтиҗәләр белән кайтмадык, димәк алга таба да каләм дигән коралыбызны иярләргә йөрәк җитәчәк әле.
Фото: zdrav
Нет комментариев