Укучыбыздан Яңа ел теләкләре

Сәрдек авылыннан «Хезмәт»нең даими укучысы, мөгаллимә Нурия Сираҗиевадан Яңа ел котлаулары кабул итеп алдык. 

«Хезмәт» газетасын без бала вакытта ук әти-әниләрнең укыганын тыңлап, районыбыздагы яңалыкларны ишетеп, туган җиребездәге уңган-булган төрле һөнәр ияләренең тормышлары турында мәкаләләр белән танышып үстек. 

Замана үзгәргән саен газетабызның эчтәлеге тагын да баеды. Төрле рубрикалар барлыкка килде. Мин Яңа елда газета битләрендә матур хикәяләр, шигырьләр көтеп калам, уңышлар сезгә. 

Форсаттан файдаланып, барлык райондашларны Яңа ел бәйрәме белән котлыйм. Яңа ел куаныч-шатлыкларга бай булсын, сугышлар бетсен, махсус хәрби операциядәге егетләргә, әти-әниләренә, гаиләләренә сабырлык бирсен!