2015 ел башында, районыбызныӊ бердәнбер мари авылы - Улисьял турында күләмле мәкалә бастырган Мари Эл республикасында нәшер ителүче «Марий сандалык» («Марийский день») журналыныӊ узган елгы соӊгы номерын кулыма алдым.
Авылныӊ тарихы, аныӊ үткәне белән бәйләп, бүгенге тормышын чагылдырган язмада кызыклы мәгълүматләр хәйран. Элекеге урнашкан авыл урыны Тштоял дип аталуы, хәзергесенеӊ исеме турыдан-туры марича «луйыс» - чыршы урманы белән бәйләп аӊлатыла. Авылныӊ старостасы Вали изәй, ягъни Валентин Васильевич Максютовныӊ авылда яши торган мари халкыныӊ милли үзаӊын уяту буенча алып барган эшчәнлеге турында матур фикерләр әйтелгән. Бу статья белән безнеӊ газетабызныӊ baltasi.ru сайтында русча материаллар бирә торган «Труд» бүлегендә таныша аласыз.
Нет комментариев