Алмадан мармелад ясыйбызмы?

1 чиләк алманы юабыз һәм шул килеш чистартмый гына 1 литр су салып пешерәбез. Алмагызга карагыз вакытын, алар пешеп таралырга, изелеп китәргә тиеш. Йомшак булса ярты сәг тирәсе пешә. Друшлагка марля куеп, шунда пешкән массаны - пюрены салабыз һэм суы аксын өчен элеп куябыз. 1 сутка эленгән килеш суы аерым савытка агып утыра.
Икенче көнне барлыкка килгән алма согын үлчибез. 1 литр сокка 1 кг 200 г исәбеннән песок алабыз. Башта шунын яртысын сокка салып болгатабыз. Газга куеп кайнатып чыгарабыз һәм 5 минут пешерәбез. Утны сүндереп калган яртысын кушып яхшылап болгатабыз. Бик тиз мармелад хәленә килә.
Каеп алып ашарлык, үтә күренмәле, искиткеч хуш исле, тәмле һәм бииик матур була!

Зульфия Хайруллина

Чыганак