Кичке ашка бергәләп кабак ашы пешерик

Кирәк булачак: 400 г кабак, 2 бәрәңге, 1әр суган, помидор, 1-2 тырнак сарымсак, 200 мл 10 %лы сөт өсте, 20 г чамасы атланмай.
Вак итеп туралган суганны калын төпле кәстрүлдә атланмайда кыздырырга. Бәрәңге, кабакны — шакмаклап, кабыгын чистартып, помидорны турарга. Кыздырылган суган өстенә яшелчәләр, тәмләткечләр (киптерелгән базилик өстим), 1,5 стакан су салып болгатырга.
Пешкән яшелчәләрне блендер белән издерергә. Тәменчә тоз, сөт өсте, угычтан уылган сарымсак өстәргә һәм 1-2 минут кайнатырга. Табынга укроп сибеп, сохари белән бирергә.

Айгөл МУЛЛАГАЛИЕВА,

Бөрбаш авылы

Чыганак