Ӟаны школаын шулдыр ужрад ортчытӥллям

Наталья Жукова, 26 февраль 2022 - 11:11

4303

Ӟаны школаын Атаймузъемез утисьлэн нуналэзлы но афган музъем вылысь советской ожгарчиосты поттон нуналлы сӥзем ужрад ортчем.

Та сярысь школаысь ОБЖ-я дышетӥсь Виктор Павлович Камаев ивортӥз.

1-7 классъёсын дышетскисьёс пӧлын военно-спортивной шудон «Зарница» ортчытӥллям, 8-10 класс понна троеборье радъяллям. Пиналъёс куасэн бызьылӥллям, ӝутъяськонын, ыбылӥськонын асьсэлэсь кужымзэс эскериллям, нош нылъёс — отжиманиын. Нылъёс пӧлын 1-тӥ интыен Евдокимова Ульяна пусйиськем, 2-тӥ — Михайлова Дина, 3-тӥ — Иванова Татьяна. Нош пиос пӧлын Терентьев Василий нырысетӥ, Трофимов Тимур кыкетӥ, Яковлев Артём куинетӥ луиллям. 1-7 классъёслы нимаз этапъёсты ортчоно луэм. Соос, кык командалы люкиськыса, ыбылӥськон, граната куштон, участокез нюжтӥськыса ортчон, дартс куян этапъёсты ортчиллям. Дартс куянын но вормисьёс вал. Зарницаын Терентьев Никиталэн командаез вормем. Та ужрадэз радъянэ но орчтытонэ пыриськиллям школаын ужась дышетисьёс О. Н. Матвеев, Р. Э. Михайлов, Л. И. Исаева, Л. В. Чирикова, В. П. Иванов, Р. Н. Петрова, О. В. Смердова, В. П. Камаев.

— Ӵошатсконлэн спонсоръёсыз луизы но ужрадэ мыло-кыдо пыриськизы асьме аспалъёсмы, кудъёсыз асьсэлэсь службазэс афган музъем вылын ортчизы — Григорьев Юрий, Романов Николай, Макаров Сергей, Щербаков Сергей, Ришат Зайнутдинов, Ильдар Газимов. Соос нылпиосты грамотаосын но коньдон кузьымъёсын шумпоттӥзы. Ас черодаз соосты но, афганецъёсты, гадьпусъёсын пусйизы. Мынам сюлмысь тау кареме потэ ваньзылы Афган ожысь ветеранъёслы, та ужрадэз ортчытонэ пыриськисьёслы. Соослэн тыршеменызы таӵе шулдыр ужрад радъяны но ортчытыны быгатӥмы. Шуд но тазалык сӥзисько ваньзылы, — мылкыдъёссэ вуттӥз Виктор Камаев.

Следите за самым важным и интересным в Telegram-каналеТатмедиа

Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.