Хезмәт

"Егит дырысен гумыре ӵоже фермаын ужасько", — шуэ Людмила Раимова

Людмила Раимова Кушкет гуртын вордскем.

...Людмила Раимова Кушкет гуртын вордскем. Ӧнерезъя со санитарной фельдшер, Можгаысь медициная училищеез йылпумъям. Дышетсконзэ йылпумъямез бере, вордскем палъёсаз бертэм. Ӝыны ар котыр Янгулын фельдшер луыса ужаны но вутскем али. Нош ини 1988-тӥ арын фермае ужаны интыяськем. Со дырысен парсьёсты сюдэ вылэм ини со.

— Егит дырысен гумыре ӵоже фермаын ужасько шуыны луэ ини, — вера со. — Кызьы парсьёсты сюдӥсь луыса ужаны кутски, озьы ик али но парсьёсты сюдӥсько. Маточной парсьёсын ужасько. Котькуд кык толэзьлы быдэ куамын анай парсьёс мон вылын.

Людмила апай ужезлэн секыт луэмез сярысь но мадиз. Туала дыре улӥськомы ке но, фермаын ужасьёс вань ужзэс киын быдэсто: гидъёсты сузяло, парсьёсты сюдо, пызь сётъяло но трос мукетсэ каро ук.

— Та мынам ӝожтӥськыса верам кылъёсы ӧвӧл, — ватса нылкышно. — Ужме яратӥсько, со мыным кельше. Уксёзэ но дыраз сёто, турын, куро, вика но колхозын ужасьёслы сётӥське (та кылъёсты юнматыса, кыкетӥез парсьёсты сюдӥсь Галина Туктарова но йырыныз шонтыса возьматӥз). Туж шумпотӥськомы. Гуртын улӥсь, колхозын ужась адямиос понна бадӟым пайда ук со. Кузпалы но, Иван, колхозын 30 арлэсь кемагес бригадир луыса ужа. Куинь нылпиосмы вань. Кык нылъёсмы асьсэ семьяосынызы Казаньын уло, покчи пимы 2-тӥ классын дышетске. Туннэ нуналэ мынам 2 внуке но 1 внучкае вань ини, — пальпотыса вера нылкышно.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: