«Эктон дыр» фестивальысь вормонъёсын бертӥзы

Ужрадэ пыриськисьёс куинь номинациосъя эктон номеръёс дасязы: «Фольклор эктон», «Калык эктон», «Стилизованной эктон».

Фестивале асьме ёросысь Ӟаны но Покчи Лӧзя гуртъёсысь самодеятельной ансамбльёс но пыриськизы. Шумпотымон, асьмелэнъёс «Эктон дырысь» вормонъёсын бертӥзы. Ӟаныысь «Шулдыр ӝыт» ансамбль но Михайлова Дина нырысетӥ; Покчи Лӧзяысь «Вуюись» ансамбль нырысетӥ, нош «Тыпыртон» ансамбль кыкетӥ призо интыосын пусйиськизы. Ӟечкыласьком! Азьпалан но та фестивале пыриськоды шуыса оскиськом.

Тодады вайытӥськом, «Эктон дыр» фестиваль 2017-тӥ арысен радъяське. Солэн валтӥсь ужпумез — гуртысь лулчеберетэз азинтон, эктон искусствоез пропагандировать карон но эктон ласянь самобытной быгатонлыкъёссы луэм адямиосты шараян.