Ёросамы Татарстанлэн пӧртэм сэрегъёсысьтыз но Удмуртиысь куноос вуизы (туж трос туспуктэмъёс)
Удмурт кылэз, удмурт лулчеберетэз, удмуртлыкез утён но азинтон, нылпиосты визьнодан но йӧскалык асваланзэс ӝутон но трос мукетыз сярысь вераськизы Покчи Лӧзя гуртын ортчем бадӟым ужрадын.
Балтась ёросын удмурт кыллы но лулчеберетлы сӥзем ужрадъёс пленарной пукетысен кутскизы. Солэн ужаз Удмуртиысь йӧскалык политикая министр Петров Эдуард Степанович, Татарстан Республикаысь Кун Кенешысь Дышетонъя, лулчеберетъя, наукая но йӧскалык ужпумъёсъя комитетлэн председателезлэн воштӥсез Рыбакова Татьяна Николаевна, Татарстан Республикаысь дышетонъя но наукая министрлэн воштӥсез Закирова Минзалия Загриевна, Татарстанысь удмуртъёслэн НКА-зылэн тӧроез Андрей Сергеевич Герасимов но Балтась ёросысь исполнительной комитетлэн кивалтӥсез Хайрутдинов Айдар Фоатович пыриськизы. Собере Татарстанлэн пӧртэм сэрегъёсысьтыз но Удмурт шаерысь вуэм куноос Покчи Лӧзя шоръёзо школаын радъяськем куинь секциосъя люкиськизы но ужзэс отын азинтӥзы. Нылпиос понна но нимаз программа дасямын вал. Соос пыриськизы удмурт калык эктонъёсъя но киужъёсъя мастер-классъёсы, «Шудком» шуыса нимаськем интеллектуальной шудонын визьзэс сыназы. Удмурт кыллы но лулчеберетлы сӥзем бадӟым ужрад шулдыр концертэн йылпумъяськиз.
Пыр-почгес — «Азьлане» газетлэн бамъёсаз.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев