Хезмәт

Герой дышетскемын Ципья шоръёзо школаын

Кыкетӥ (берло куинетӥ) класслэн удмурт кылъя лыдӟон учебниказ, Советской Армилы сӥзьыса, И. Кулёминлэн «Вадим Сивков» веросэз пыртэмын вал.

Ӧд на вунэтэ, дыр. Кӧня пол лыдӟыны тупалляз сое аслам дышетон аръёсам. Жаль, туала учебникысь та верос куштэмын ни. Но алигес интернет вотэс бамысь Пётр Константинович Крестьянинов сярысь лыдӟем бере, чылкак пайми, ма со воксё асьме котырысь вылэм ук, асьмелэн аспалмы! Гажано лыдӟисьёс, тӥледыз та статьяен тодматэме потӥз. Тани ма гожтэмын отын (ӟуч кылысь берыктэмын).

«Крестьянинов Пётр Константинович (21.01.1925 - 15.03.1944) — Советской Союзлэн Героез. Вордскиз Ральники черкогуртын (Киров улосвылысь Малмыж ёросысь гурт — ред.), крестьян семьяын. Ральники черкогуртысь сизьым классъем школаез йылпумъяса,Татарской АССР-ысь Ципья шоръёзо школае дышетскыны пыре. Куинь арскын экзаменъёстэк Малмыж педагогической техникумлэн кыкетӥ курсаз выже.

1943 арын апреле (оштолэзе) армие басьто. Танкистъёсты дасянъя 9 толэзьем курсэз ортче. Отын со Вадим Сивковен пумиське. 1944 арын феврале (тулыспал толэзе) ини Пётр но Вадим действующей армиын одӥг экипажын. П. Крестьянинов 3-тӥ Украинской фронтысь 4 гвардейской механизированной корпуслэн 212-тӥ нимаз танковой полказ радист луэ.

13-ысен 14-тӥ мартэ (южтолэзе) потон уе Крестьяниновлэн экипажез танкеныз Баштан ёросысь Явкино черкогуртэ пыризы но асьсэлэн усто быгатонлыкенызы тушмонэз отысь уллязы. Со ожын 100 мында повозкаос но 250 солдатъёс но офицеръёс быдтэмын вал, озьы ик трос лыдын тушмонлэн военной техникаез басьтэмын. 14-ысен 15-тӥ мартэ потон уе немецъёс контратакае потыны ӧдъязы. Гурт кузя ветлонъяз, танксы нырыныз танкъёслы пумит лэсьтэм гуэ усе. Экипаж берпуметӥ патронозь нюръяське, но берло танкенызы ӵош асьсэды пуштыто. Крестьянинов но экипажлэн командирез Вадим Сивков Явкиноын ватэмын.

Пётр Константинович пыраклы воинской частьлэн личной составезлэн списоказ пыртэмын. Крестьяниновез данъяса, Явкиноын бюст, нош Ральникиын обелиск пуктэмын, озьы ик Ральникиын одӥгез урам солэн нимыныз нимамын.

СССР-ысь Верховной Советлэн Указэныз 3 июле (пӧсьтолэзе) 1944 арын  «немецкой фашистъёсын ожмаськон фронтын командованилэсь косэм ужъёссэ адӟем карымон быдэстэмез но кышкасьтэм но геройлыко луэмез понна» красноармеец Пётр Крестьяниновлы быремез бере сётэмын Советской Союзлэн Героез ним».

Ципья шоръёзо школа понна та бадӟым данъяськон. Школаысь пинал историкъёс Герой дышетскисьсылэн улэм-вылэменыз мургес тодматскозы шуыса малпасько, Геройёслэн нимъёссы асьмемын артэ улыны кулэ!

(Статья «Малмыжский краеведческий музей» огинысь басьтэмын информацияя дасямын).

Василий Никитин      

 

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: