Конкурсъёс ялан ортчытӥсько
Кемалась ӧвӧл редакциын сайтамы ортчытӥськем кӧня ке конкурсъёсын вормем адямиосты кузьымен пусъён ужрад луиз.
«Тол бабаез витьыку» шуэм конкурсын Кугунурысь информатикаен дышетӥсь Рамиль Назипов, туспуктэмъёсыз тужгес трос куара люкамен, вормисе потӥз. Солы «Альпари» магазинлэн сертификатэз сётэмын вал. «Альпарилэн» сертификатэныз озьы ик пусйиськиз «Пунылэн араз … пуныен» шуыса нимам конкурслэн вормисез но Александра Раимова. Александра Тагашур гуртысь ныл, дышетске Ципья шоръёзо школаын 11-тӥ классын.
Со сяна, сайтмылэсь тужгес активной лыдӟисьёссэ, комментарий гожтӥсьёссэ но шараямы. Лыдӟисьёсмылэн куара сётэменызы, соослэн нимъёссы тодмо луизы. Озьы вормисе потӥз Ильмира Кузьмина. Кыкетӥ интыын – Вагиз Гильмуллин, куинетӥын – «Азьлане» газетлэн матысь эшез – Карек-Серма гуртысь Василий Никитин. Соос но синпель кузьымъёсын пусйиськизы. Тӥляд но, гажано лыдӟисьёсмы, сайтамы ортчытӥськись конкурсъёсы пыриськыса, газетмылэсь синпель кузьымзэ басьтыны луонлыкты вань уга. Мылкыд карон гинэ кулэ…
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев