Коррупция сярысь анай кылын

Таиз ар но та ласянь пӧртэм ӧз луы: туэ но этнокультурной компонентэн школаосын тодон-валан басьтӥсь нылпиос пӧлын ортчытӥськем «Коррупцилы «Ӧвӧл!» шуом» творческой ужъёсъя элькун конкурсын асьме пиналъёс призо интыосты басьтӥзы.

Удмурт кылын сочинение гожтэмъёс пӧлын Покчи Лӧзя шоръёзо школаысь 9 классын дышетскись Дарья Артемьева вормись луиз, нош Шор Кушкет школаысь 10 классысь Василий Терентьевлэн ужез 2-тӥ призо интыен пусйиськиз. Озьы ик асьме ёросысь вормисьёс пӧлын луизы Ципья школаысь Гузель Тухбатуллина но Чапшар покчиёзо школа-нылпи сад комплексысь Раиль Сабиров. Та сярысь ивортэ Балтась ёросысь дышетонъя управление.

7-тӥ толсуре вылӥын пусъем пиналъёс но соослэн дышетӥсьёссы Казань Кремльын коррупцилы пумит ӧръям республиканской конкурсын вормем но призо инты басьтэм нылпиосты данъетан ужрадэ пыриськизы. Пиналъёсты но соослэсь дышетӥсьёссэс сюлмысь ӟечкыласьком но азинсконъёс сӥзиськом.
 

Фото: vk.com