Кыӵе бадӟым шумпотон та (фото)

Вуж Кушкет гуртамы магазин усьтӥськиз, кӧня ке толэзь ворсаськыса улэмез бере. Калыклы магазинтэк туж умойтэм вал, малы ке шуоно гуртамы пенсионеръёсмы но уно, ваньзылэн транспортсы но ӧвӧл бускель гуртэ ветлыны.

Вузкарисьмы но асьме гурт кенмы — Соловьёва Тамара. Туж капчи мылкыдын, серем ымнырын пумита со котькуд пырем муртэ. Магазинлы но «Тамара» ним сётӥллям. Выль-выль вузъёсыз. Магазинлэн кивалтӥсез Янгул гуртысь воргорон Ильдар Рафиков.

30 январе гурт калык понна бадӟым но шулдыр праздник ортчытӥзы. Туж шулдыр но узыр ӝӧк сьӧрын куноязы. Праздник йылпумъяськиз эктонъёсын.

Азьпалан но вузкаронзы мед удалтоз, пайда мед ваёз. Гурт калыклэн но ӟеч мылкыдыз медаз ортчы. Туж бадӟым тау та праздникез радъясьёслы — Рафиковъёслэн семьязылы. Гурт калык капчи мылкыдэн бертыса кошкиз.

Ольга Николаева,

Балтась посёлок