Нина Алексеева: «Адямилэсь улонзэ книгае но гожтыса быдтыны уг луы»

Тодматскеммылэн мугез, валамон ини, статья гожтонэн гер€аськемын. Кузпалъёс кыкназы но ини трос аръёс ӵоже дано шутэтсконын луо ке но, ас дыраз гурт удысын кема-кема аръёс тыршиллям, ужъёсазы шӧдскымон вормонъёсы вутскиллям, азьмынӥсьёслэн радъёсазы луиллям. Нина апаен но Михаил агаен матысенгес тодматскомы. 

Нина Павловна вордскемын Вуж Кушкет гуртын 1941-тӥ арын, ӵапак жугиськон кутскон аре. Семьяязы соос куать кузя нылпи луиллям, соин Андреевъёсты но (Нина апайлэн ныл фамилиез) сютэм улон, шугад€онъёс палэнтӥ ортчиллямтэ.

— Милемлы, война но война бере аръёсы вордскем нылпиослы, пичиысен тэльмырыса будыны тупаз. Ма карод — ад€онмы сыӵе луэм, дыр. Но вордскем гуртысь школаын сизьым классэз йылпумъяны удалтӥз ик, нош собере ини нокыӵе тодон-валан басьтон сярысь малпанъёсы но ӧз луэ. Но зэмзэ верано ке, анай сизьыметӥ классме йылпумъяме бере Ципья школае дышетскыны мыныны косэ вал, но мон ачим соглаш ӧй луы — анайме жаляй. Мынам вань вал покчи вынъёсы, сузэръёсы, соосты утьыны кулэ вал, уж но гуртын ноку уг быры. Озьыен, ӧй дышетскы ни. Ужаны кутски, — валэктэ Нина Павловна.

14 аресъем Нина соку уг тоды ай, кыӵе секыт луоз солы ужаны фермаын (Анисия юлтошеныз кенешыса, кыкназы ӵош Кушкетысь фермаын кунян сюдыны кутско). Туннэ Нина апай ачиз но пайме: кызьы соослы соку пудоосты оскиллям? Али гинэ сизьыметӥ классэз йылпумъям нылъёс уж сярысь-а меда малпаськиллям? Гуртоосы но серекъяса верало, пе, вал: «Ма та визьтэмъёслы кин кунян оскоз? Соос пудоосты виёзы ук». Нина апай ачиз но серекъяса одӥг учырзэ тодаз вайиз: «Одӥг пол Анисияен кыкнамы кунянъёсты люктаны ферма коркан йӧлэн шыд пӧзьтӥськом. Та дыре пызен складэ €ольгыриос лобыса пыриллям. Ми, кема малпаськытэк, кыкнамы ик со складэ бызьыса кошкимы, €ольгыриосты кутыны — шулдыр ук. Тӥни со €ольгыриосын вырытозь, милям шыдмы уртчыса потэм. Мар карыны ёрмыса, ваньзэ утялтӥмы но выльысен шыд пӧзьтыны кутскимы...». Таӵе серемес учыръёс ӧжыт луиллямтэ. Но тазэ но пусйыны кулэ: нылъёс осконъёсты зэматӥллям. Ужан интыязы вуытозь шудыса мынӥллям ке но — яра али фермазы кыдёкын луымтэ —, ужзэс кулэезъя быдэсъяллям. Кунян кутьыосты возьмаллям, пудоосты утиллям. Озьы гуртысьтыз фермаяз кунянъёсын Нина кык ар ӵоже ужам. Собере Янгул но Кушкет гуртъёсысь колхозъёсты огазеяло. Кушкетысь пудоосты Янгулэ нуо, нош Янгулысь парсьёсты Кушкетэ ваё. Озьы Нина парсьёсты сюдыны кутске но вить ар ӵоже со отын тырше. Нош ини 1961-тӥ арын Пор-Кутеш гуртэ Михаил Тимофеевичлы картлы кошке.

Та сярысь пыр-почгес «Азьлане» газетысь лыдӟыны быгатоды.