Хезмәт

Ныл пукон, удмурт дӥсь но мукетъёсыз сярысь

Вань вал сыӵе дыръёс, ку быдэ вуэм нылъёс асьсэлэн палэн гуртысь ӵыжы-выжыоссы доры пукыны (ныл пукон) ветлылӥзы.

Кудӥз мынылӥз ӵужанаез яке ӵужкенакез доры, кудӥз мукет матысь ӵыжы-выжыез доры.

Нылъёс сьӧразы одно ик басьтылӥзы киужъёс: черсон, керттӥськон, куиськон, пужъятскон…

Сыӵе пукись нылъёс милям Улын Ушма гуртын арлы быдэ 2-3 луо вал. Пукыны лыктэм нылъёс гуртысь нылъёсын тодматскыса, люкасько одӥг корка. Уно дыръя быръё вал аллак коркаез. Аллак корка ӧз ке луы, люкаськылӥзы шуныт мунчое. Ӝыт пуконъёсы одно ик лыктылӥзы ӟыгытъёс (егит пиос) но. Котькуд ныллэн аслаз ӟыгытэз луоз вал. Уно дыръя егитъёс отын асьсэлэсь парзэс шедьтылӥзы.

Туж шулдыр ортчо вал пукись нылъёсты доразы келян йылолъёс. Та нуналэ котькуд пукись ныллы сётылӥзы кубо. Кубоез сётэ коркалэн кузёез, кин доры лыктэ пукись ныл. Нылъёсты келяны быдэс гурт дасяське. Егит пиос но нылъёс коркалы быдэ пыраса кураса ветлӥзы кубочук. Соос урам кузя но корка пыраса кырӟаса ветлӥзы. Кубое азвесь но ыргон уксё шуккылӥзы, басма, тасма думылӥзы, кин маин узыр. Нылъёсты нуыны лыктылӥзы вордскем гуртысенызы. Кошовкаосы кыткем валъёсын нырысь ик пичиосты урам кузя ветлытӥзы. Покчиос понна зэмос праздник луэ вал.

Реклама

Бен, удмурт нылъёс туж пиналысен азьпал улонлы дасяськыны кутско вал. Соослы уно ужаны, тыршыны тупаз. Картлы кошкытозязы ик дасяллязы асьсэлы дӥсьёс: камзол, зыбын, айшет, дукес, дэра но мукетъёссэ. Соос сяна, дасяно вал карт луонэзлы дӥсьёс но.

Тол ӝытъёсы черсэм шортъёсты мисько, собере буяло горд, сьӧд, лыз буёлъёсын. Асьсэ киосынызы дэремлы, айшетлы шуыса куэм дэраос сяна, кулэ на сӧзулъёслы басмаос но тасмаос. Нош тужгес но секыт вал чыртыкыш камали, ашъян выллем арбериосты дасян. Малы ке шуид, соосты дасяны кутӥськизы азвесь уксё, весьёс но мукет чеберъянъёс. Таосты луытон понна нылъёс медъяськыса кутэсэн кутсаськизы, сюрлоен аразы.

Тулыс лымы шунам но вож гуждор ӝужам бере, нылъёс, выль кенъёс васькылӥзы шур дуре, толалтэ куэм дэраоссэс гужатыны. Дэраез вуын гылъяса гуждор вылэ вӧлдэ, куасьто. Та ужен 2-3 нунал выро, дэразы чылкыт но небыт луытозь. Соос котырын пичи пиналъёс но бергазы, соос дэра вуытозь ӟазегпиосты возьмаса улӥзы. Со сяна, пиналъёс ляге (нюлэскы) тубыса сир бичало вал, нош нылъёс сое ӵыжато но сыскон сир лэсьто. Отын ик ӝук, немри пӧрало, ӵошен-ӵошен сисько.

Кӧня ке кыл вераме потэ аслам пичи дырысьтым пыдкутчан — кут сярысь. Егит пиос но воргоронъёс нуллӥзы «бигер» кутъёс. Соосты асьсэос ик куталлязы. Кутасез луымтэос басьтӥзы базарысь. Нош базарын вузкарисьёслэн уноез бигеръёс вал. Соин ик со кутъёсты «бигер кут» шуиллям, дыр. Нылъёслэн но кышномуртъёслэн кутъёссы пӧртэмесь луизы. Соослы кутазы сизьымо но укмысо шуэм кутъёс. Соос кутамын вал вольыт но амсыр ултэм нинлэсь. Сизьымо кутэн ветлӥзы уж дуре, нош укмысоеныз мынӥзы черке но шулдыръяськонъёсы. Сизьымо кутлэсь кутгозызэ горд шортлэсь пунылӥзы, нош кутчало сое тӧдьы мертчан бинялтэтэн. Нылкышноос кутгозыез асьсэос пунылӥзы, горд но сьӧд ыж гон шортлэсь.

Табере вашкала удмурт нылъёслэсь но нылкышноослэсь ужъёссэс асьмеос музейёсысь но пӧртэм шулдыръяськонъёсысь гинэ адӟыны быгатӥськом…

Иван Кушаев,

Покчи Лӧзя гуртысь ожысь но ужысь ветеран.

(«Азьлане», 2004 ар).

Редакцилэсь: статья вакчиятыса сётэмын.

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: