Пиос сертификатъёсын пусйиськизы

ТР-ысь Судебной департаментлэн Управлениезлэн кичӧлтэмезъя но Дышетонъя но наукая министерстволэн но Россиысь правосудияя кун университетлэн филиалэзлэн пыриськемзыя радъям «Правосудие: от А до Я» ӵектослы йылпумъянъёс лэсьтӥзы. Ӵектос улсын юристлэн нуналэзлы сӥзем сочинениосъя конкурс ортчытӥськиз. Татчы пыриськизы 9-11 классъёсысь дышетскисьёс но 1-2-тӥ курсъёсысь студентъёс. 

Нимысьтыз ӧнер праздник луыса, юристлэн нуналэз 3 толсуре пусйиське. Катъёсты тодӥсьёс но сое утьыса возисьёс туала дыре туж кулэ луись мерлыко уж нуо. 

Вераны кулэ, «Правосудие: от А до Я» ӵектос улсын ёросамы трос пӧртэм ужрадъёс ортчытӥсько. Асьме ёросамы гинэ школаосын судысь ужасьёсын пумиськонъёс радъяськизы. Пиналъёс кулэ луись иворъёсты тодӥзы, тунсыко юанъёс сётъязы.

Нимысьтыз сочинениосъя конкурслэн валтӥсь ужпумез — Россия Федерациысь катрадлык удысын тодон-валанъёсты паськытатон но муромытон, нылпиослэсь правовой грамотностьсэс будэтон, граждан кылкутонлы дышетон но нылпиос пӧлын патриотизм мылкыдэз пыӵатон. 

Балтась ёросысь судлэн юртаз судлэн председателез Ильдар Шамилович Шайдуллин конкурсэ пыриськем Ӟаны шоръёзо школаысь 9-тӥ классысь дышетскисьёсты сертификатъёсын пусйиз. Дышетӥсьсы — Наталья Юрьевна Исаева. 

Вань сюлмысен ӟечкыласьком пиосты но соослэсь дышетӥсьсэс азинсконъёсынызы! Азьланяз но вожвылъяськонъёсы пыриськон мылкыдъёсты медаз кысэ!