Пумйылтэм лымы шобыр...

КЫЗЬПУ

Юг-тӧдьы кызьпумы
Азь укно уламы.
Лымыен шобырскем,
Азвесен кадь чиля

Пуштырес вайёсаз -
Лымылэсь чильтэраз,
Ошкемын чукъёсыз,
Тӧдь-тӧдьы пуръёсыз.

Нош кызьпу — со изе,
Чус-чус ӟеч вӧтаса.
Зарниям лымыез
Кисьтаське тылъёсын.

Нош ӟардон азьтэмске,
Дыртытэк котырске,
Кызьпу вай вылъёсы
Пазя выль азвесьсэ.
С. А. Есенин 

Туж усто!

Юг тӧдьы гӧртэмын вань улос,
Кезьытлэсь пегӟемын бурдоос!
Ӵыжыт — лыз инбамед буямын,
Шундыед но шӧдске сӥямын!
Туж усто! Висёнъёс кынтэмын!
Омырмы сузяське кезьытын!
Вирамы но кужым пыӵалоз,
Улонэ учконмы выльдӥськоз!                                                                                                                                                    Елена Безенцева

Тол

Пумйылтэм лымы шобыр
Тӧдь-тӧдьы ваньмыз котыр.
Гӧртэмын писпу вайёс
Вуизы тол кезьытъёс.
Ӟарытэсь шунды сиос...
Уг, уг шунто ни соос.
Кортнамын йӧэн шуръёс
Изёзы ни тулысозь.
Сильтӧлъёс кузёясько:
Пельтыло, вузо, бӧрдо.
Чепыллясь сямо, йӧно
Тол эксэй али кузё.
Со уг жаля азвесьсэ,
Дурыстэм пазя ваньзэ.
Катъёссэ эксэй кышно
Быдэсъя усто, визьмо.

Туспуктэмъёс Р. Галимовалэн