Хезмәт

Сизнер праздникысь фоторепортаж

«Сизнер – со сыӵе гурт, кытын ваньмыз организованно ортче», - шуиз «Смаиль» обществолэн тӧроез Ильгам Мансурович Шакиров Сизнер гуртлэн нуналаз.

Зэмзэ но, туж но туж умой, пыр-поч, быдэс гуртэн дасяськиллям вал сизнеръёс Гуртсылэн нуналзылы сӥзем калык шулдыръяськонзэс ортчытонлы. Та нуналэ трос чебер но шуныт кылъёс верамын вал, шулдыр кырӟан но задор эктон гуръёс мылкыдъёсты  ӝутӥзы, тунсыко шудонъёс-вожвылъяськонъёс шулдыртӥзы. Гурт калык, бертэм куноос, бускель но палэн гуртъёсысь улосчиос но вань огшоры мылпотыса лыктэм адямиос – ваньзы но самоварысь пӧсь чаен, кылэз ньылымон ческыт ӝукен но табанен, шашлыкен, мукет пӧртэм сиён-юонъёсын кунояськыны быгатӥзы. Нылпиос понна батутъёс ужазы, чеберъям валэн ветлон радъямын вал. Сизнер гурт калыкез ӟечкыланы вуылӥзы Балтась ёросысь исполнительной комитетлэн кивалтӥсезлэн воштӥсез Ильгам Фидаелевич Гайнутдинов, «Смаиль» обществолэн тӧроез Ильгам Мансурович Шакиров, Смаиль гурт поселенилэн главаез Рифнур Гайнанович Юсупов но праздниклэн валтӥсь кичӧлтисез – Солтан Ибрагимович Фатихов.

Та сярысь пыр-почгес - «Азьлане» газетын. Нош али – фоторепортаж.   

Реклама
Нравится
Поделиться:
Реклама
Комментарии (0)
Осталось символов: