«Татарстан — пӧртэм калыкъёслэн эшлыко семьязы»
Таӵе ним улсын ортчем элькун семинаре пыриськизы удмурт визьнодасьёсмы.
2-тӥ толсуре Ӟаны нылпи садысь визьнодасьёс Арча ёросын дошкольной дышетон ужюртъёс понна «Татарстан — пӧртэм калыкъёслэн эшлыко семьязы» ним улсын радъям элькун семинаре пыриськизы. Ужрадын Ӟаны шоръёзо школаысь дошкольной дышетонъя директорлэн кивоштӥсез Асанова Ирина Вячеславовна удмурт калыккылос пыр нылпиослы анай кылэз дышетэмзы, лулчеберетэн тунсыкъяськытэмзы сярысь вераз. Та ужын кылбуръёсты но выжыкылъёсты лыдӟон, кырӟанъёсты но эктонъёсты дышетон, шаертодонъя музейысь экспонатъёсын тодматон но пайдаё бервылъёсты сётэ шуыса пусйиз нылпи садлэн кивалтӥсез.
Со сяна ужрадын та нылпи садысь ик визьнодась Якимова Людмила Алексеевна «Кибашлы киос» шуыса нимаськем мастер-класс ортчытӥз: лентаослэсь поскес лэсьтыны дышетӥз. Нош Якимова Вероника семинаре пыриськемъёсты мусо кырӟаменыз шумпоттӥз.
Ужрадэ пыриськемъёс Таукарон гожтэтэн пусйиськизы.
Туспуктэмъёс: И. Асанова
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев