Удмурт кылъя но литературая олимпиада ортчиз (+фото)
10 шуркынмонэ Покчи Лӧзя шоръёзо школаын удмурт кылъя но литературая элькун олимпиадалэн ёрос этапез ортчиз. Котьку сямен отчы пыриськизы Ципья, Шор Кушкет но Покчи Лӧзя школаосысь 7-11 классъёсын дышетскись пиналъёс.
Тодматӥськом тӥледыз вормем но призо инты басьтэм нылпиосын. Ёрос этапын вормись луизы Гаврилова Елизавета (Покчи Лӧзя школа, 7 класс), Евдокимов Филипп (Шор Кушкет школа, 8 класс), Байманова Наталия (Ципья школа, 9 класс), Евдокимова Ульяна (Шор Кушкет школа, 10 класс), Александрова Елена (Ципья школа, 11 класс).
Призо интыен пусйиськизы Антонова Елена (Покчи Лӧзя школа, 7 класс), Кешишева Ангелина (Шор Кушкет школа, 8 класс), Емельянова Анна (Покчи Лӧзя школа, 9 класс), Исаева Вероника (Шор Кушкет школа, 9 класс), Артемьева Дарья (Покчи Лӧзя школа, 10 класс), Плотникова Полина (Покчи Лӧзя школа, 11 класс). Ваньзэсыз ӟечкыласьком но элькун олимпиадаын азинсконъёс сӥзиськом.
Тодады вайытӥськом, удмурт кылъя но литературая олимпиадалэн элькун этапез сяме пыремъя толсуре ортче. Отын асьсэ тодон-валанъёссэс эскеро ёрос олимпиадаосын вормем но призо интыосты басьтэм 9-11 классъёсын дышетскись пиналъёс.
Фото: Н. Антонова
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев