Хезмәт

Балтач районы

18+
2024 - Гаилә елы
Азьлане

Усто нылпиос

Усто нылпиосты шараян но соослэсь интеллект но творчество ласянь быгатонлыкъёссэс азинтыны луонлыкъёс кылдытон понна котькуд аре ёросамы, нош бератаз Элькунамы но огъяросси масштабын, пӧртэм дышетон дисциплинаосъя олимпиадаос, конкурсъёс но вожвылъяськонъёс ортчытӥсько.

Одӥгез сыӵе ужрад ортчем вал ёросамы 9-тӥ шуркынмонэ. Со нуналэ этнокультурной компонентэн школаосысь пиналъёс анай кылъёсъя олимпиадаослэн ёрос этапазы асьсэлэсь удмурт но пор кылъя но литературая тодэм-валамзэс эскеризы-юнматӥзы.

Удмурт кылъя но литературая республиканской олимпиадалэн муниципал этапаз 3 школаысь (Ципья, Шор Кушкет но Покчи Лӧзя шоръёзо огъя тодон валан сётӥсь школаос) 7-11 классъёсын дышетскись 26 пинал пыриськиз. Жюрилэн протоколъёсызъя но Балтась ёросысь дышетонъя управленилэн приказэзъя вормем но призо инты басьтэм нылпиос тодмо луизы. Тани соос — вормисьёс:

— Плотникова Полина, Покчи Лӧзя школаысь 7-тӥ классын дышетскись;

— Петрова Эвелина, Покчи Лӧзя школаысь 8-тӥ классын дышетскись;

— Артемьева Анастасия, Покчи Лӧзя школаысь 9-тӥ классын дышетскись;

— Григорьев Роман, Покчи Лӧзя школаысь 10-тӥ классын дышетскись;

— Калинина Алина, Покчи Лӧзя школаысь 11-тӥ классын дышетскись.

Маиз тунсыко, туэ удмурт кылъя вормисе потэмъёс ваньзы но Покчи Лӧзя шоръёзо школаысь луизы.

Призёръёсты но пусйыны кулэ:

— Александрова Елена, Ципья школаысь 7-тӥ классын дышетскись;

— Антонова Анна, Ципья школаысь 8-тӥ классын дышетскись;

— Балтасева Карина, Покчи Лӧзя школаысь 8-тӥ классын дышетскись;

— Митрофанова Ксения, Ципья школаысь 9-тӥ классын дышетскись;

— Аксакова Алина, Шор Кушкет школаысь 10-тӥ классын дышетскись.

Ципья шоръёзо школа аслаз трос йӧскалыко луэменыз данъяське шуыса ваньмы тодӥськом. Кылсярысь, Ципья школаын гинэ пор кылэз но литератураез дышето. Соин паймонэз но ӧвӧл пор кылъя но литературая ёрос олимпиадаын Ципья пиналъёс вормо шуыса. Тани соос — пор кылэз но литератураез ёросамы тужгес умой тодӥсьёс:

— Данилова Луиза, Ципья школаысь 7-тӥ классын дышетскись;

— Анеева Полина, Ципья школаысь 8-тӥ классын дышетскись;

— Федоров Кирилл, Ципья школаысь 9-тӥ классын дышетскись;

— Кугергина Ангелина, Ципья школаысь 10-тӥ классын дышетскись.

Та пиналъёс дипломъёсын пусйиськозы.

Азьпалан республиканской этап. Отчы пыриськозы 9-11-тӥ классъёс пӧлын ёрос олимпиадаын вормисе потэм нылъёс но пиос. Азинсконъёс но выль вормонъёс сӥзём соослы!

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

3

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: олимпиада