Вӧй — толлэн берпуметӥ праздникез

— Вӧй праздниклы котьку сямен шулдыръяськонъёс ортчыто. Та асьме доры вашкала дырысен вуэм чебер сям, толэз келян но тулысэз пумитан йылол. Азьло дыре толэз кырӟаса-эктыса, шудыса шулдыр келяллям. Та чебер сямез улӟытыса, ми но, клубен кивалтӥсь но библиотекарь, 27-тӥ тулыспалэ Ярак-Чурма гуртын гуртоосмылы Вӧй келян праздник ортчытыны малпамы. Шулдыръяськонмес Скоморох усьтӥз, калыкез эктытӥз. Бӧрысь Масленица вуиз табанен, ваньзэсты жӧк сьӧры чай юыны ӧтиз, кунояз. Калык шунскем бере, Скоморохен Масленица шудонъёс ортчытӥзы, калыкез шудытӥзы. Канат кысказы, сапег куязы, исьнерез вал карыса командаен ӵошатскизы, пиос турикукен но ветлӥзы. Нылпиос но палэнэ ӧз кыле, соослы нимаз шудон — арбери вандылон — радъямын вал. Праздник йылпумъяськем бере ваньмы ӵош куро мунёез ӝуатӥмы. Шудонэ пыриськем калык шумпотыса, кузьымен дораз бертӥз. Ваньмылэн мылкыдмы шулдыр вал. Чай но табань дасям адямиослы — Миша агайлы, Геналы, Тимурлы но Алёналы — таукарон мылкыдмес вуттӥськом, озьы ик вань лыктэм калыклы но, — шумпотыса ивортӥз Ярак-Чурма гуртысь библиотекаен кивалтӥсь Мария Матвеева.