«Витисько газетме, тунсыко «Азьланьме»…

Чупырске, чупырске!

«Азьланелы» гожтӥське.

Ӝӧк, песок, валес котыр

Дыртэ, дыртэ утыны!

Вера Лобанова, Вукогурт

                  ***

«Азьлане» ёрос газетмес

Вожмаськыса лыдӟомы.

Турлы, котьмар учырмес

Калыкмылы вуттомы.

В. Пашкеева, Вукогурт

                  ***

Арнялэсь та  нуналзэ,

Шумпотыса витиськом.

Дорамы «Азьлане» вуоз,

Пыр-поч карыса лыдӟиськом.

Мария Матвеева, Пор-Кутеш гурт

                  ***

Вордӥськем музъеммы, туж мусо потӥськод,

Шулдыр но дуно тон, милям Балтачмы!

Удмурт кылын, вордӥськем кылын поттӥськод,

Милемлы кулэзэ — «Азьлане» газетмес!

Таисия Ермолаева, Сизнер гурт

                  ***

Семья шумпотӥз туннэ,

«Азьланьмы» бертӥз доре!

Атай газетэз пыр-поч лыдӟоз,

Ёрос иворъёс тодоз.

Анае выль рецептъя

Ческыт сиён пӧралоз.

Мон понна бен тунсыко

Серемес вакчи верос.

Анна Смердова, Ӟаны гурт

                    ***

Витисько газетме, тунсыко «Азьланьме».

Со данъя калыкме, муспотон шаерме.

Со вае ӟеч ивор но бурдъя мылкыдме.

Трос тодом ми отысь, вамыштом азьлане.

Л. И. Игнатьева

                    ***

Вераме потэ, эшъёсы,

Вань мынам одӥг эше.

Улонын но монэмын со

Вамышъя аръёс ӵоже.

Тодэмды потэ-а, кин со?

Ма со? Мынам газетэ.

«Азьланьтэк» улон уг мыны,

Со мынам матысь эше.

Жадьыса доре бертӥ ке,

Мон «Азьланьме» кутӥсько.

Районын луэм кальёсыз

Мон отысен тодӥсько.

Вань калыкез, вань гуртъёсыз

Газетмы огъя люка,

Районысь усточиосыз

Ушъяса бамаз поттъя

Колзхозъёс кызьы ужало,

Кинлэн юбилей туннэ —

Ваньзэ газетмы вералоз,

Вань районэн тодматэ.

Вот соин ик арня ӵоже

Мон газетме витисько.

Редакциысь ужасьёслы

Кузь гумыр мон сӥзисько,

Тазалык шудбур, каньыллык,

Ужъёсазы азьланьлык.

Тау тӥледлы, журналистъёс!

Эш «Азьлане» тау тыныд!

Ульяна  Кумаева, Ципья черкогурт

                  ***

Ӝыт вуиз ке, семьяын

Милям вожмаськон потэ:

«Мон азьло ик» — «Ӧвӧл, мон!»

Газетэз ик кесьымон,

Ӵужатай но ӵужанай

«Азьлань» понна кыстасько.

Мон соос куспе султӥ,

Газетэз киям кутӥ:

«Дугдэ, тӥледыз люко,

«Азьланез» ачим лыдӟо!»

Эльза Кумаева, Ципья черкогурт