Вылын Ик удмуртъёс дорын куноын (+фоторепортаж)
2-тӥ пӧсьтолэзе Бавлы ёросысь Кит-Озеро гуртын Татарстанысь удмуртъёслэн «Гырон быдтон» праздниксы ортчиз.
Чик уг янгыша, дыр, «Гырон быдтон» удмуртъёслэн яратоно шулдыръяськонзы луэ шуыса верай ке. Та празднике котьку сямен котыр улосысь, бускель ёросъёсысь но улосвылъёсысь, Татарстанмылэн но Россилэн пӧртэм сэрегъёсысьтыз трос калык люкаське. Соос пӧлын пӧртэм йӧскалыкысь адямиос луо: удмуртъёс но, бигеръёс но, ӟучъёс но… Татарстанлэн самой лымшор-шундыӝужан сэрегаз улӥсь Вылын Ик (Бавлы) удмуртъёслэн музъемазы ортчем «Гырон быдтон» празднике но трос куноос люкаськизы. Шулдыръяськонэ Татарстан Республикаысь, Башкортостанысь но Удмуртиысь самодеятельной но профессиональной творческой коллективъёс пыриськизы. Соос пӧлын вал кырӟанъя но эктонъя «Айкай» удмурт кун театр но, быдэс дуннелы тодмо луэм «Брангурт песянайёс» но.
Балтась ёросысен элькун «Гырон быдтонэ» пыриськизы Покчи Лӧзя Лулчеберет юртысь «Вуюись» фольклор коллектив, Ӟаны гурт клубысь «Шулдыр ӝыт» калык ансамбль но Вуж Кушкет гуртысь арганчи Алексей Павлов.
Бавлы ёрос рос-прос дасяськем куноосты пумитаны. Декоративно-прикладной творчествоя ярмарка сяна, празднике люкаськем калык понна радъямын вал пӧртэм мастер-классъёс. Мылкыд карисьёс, кылсярысь, токарь ужъя, сюй горшок лэсьтонъя, куиськонъя, веник керттонъя мастер-классъёсын асьсэлэсь устолыксэс эскерыны быгатӥзы. Озьы ик праздник ортчон интыын ужазы йӧскалык площадкаос: удмурт, ӟуч, бигер но чуваш подворьеос.
Пыр-почгес Бавлы ёросын ортчем элькун «Гырон быдтон» сярысь «Азьлане» газетлэн выль номерысьтыз лыдӟыны быгатоды.
#нкаудмуртовбалтасинскогорайонарт
#удмуртытатарстана
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев