Хезмәт

«Жаляса верано, дунне вылын тужгес но коррумпированной судья – асьме возьытлыкмы…»

Коррупция но возьытлык. Вамышто-а ӵош та валатонъёс яке ог-огзылы пумит луо?

Чайка малпамъя, возьытлык тужгес но коррумпированной судья луэ.  Ойдолэ ӵош малпаськомы, тазьы меда та?

Капчи улэ сыӵе адями, кудӥз ачиз асэныз тупаса улыны тырше. Пример басьтоно ӧвӧл адямиослэсь, кудъёсыз ваньзэ ачиз сямен гинэ каро, кудъёсыз «капчи» коньдон сьӧры уйисько.  Куке но та ваньмыз адямиез возьдаськытэ. Ӵем дыръя соос умойтэм сямо луо, пушдуннеязы ожмаськон мынэ. Одӥг пал дурыз возьдаськытэ, мукетыз — нош но нош куре. Конечно, мар гинэ ӧз кары адями, со ваньзэ тае лэсьтэ ачиз понна, ӵыжы-выжыосыз но матысь муртъёсыз понна. XXI-тӥ даурын, кытын ваньмыз понна коньдон лэсьтэ, туж секыт туала улонлэн  каньыллыкъёсызлэсь люкиськыны: адями интые ужаны быгатӥсь дуно техникалэсь, пӧртэм пумо гаджетъёслэсь но мукет арбериослэсь. Жаляса верано луэ,  ваньмыз та, туала улонлэн радлыкез,  адямиез ассэ гинэ яратӥсь каре, алдаськыны дышетэ, умойтэм ужъёс лэсьтытэ но узырлык сьӧры уйиськытэ. Коррупция, рыночной экономика воштӥзы дунне шоры учконэз. Ӧвӧл ини огкадь улӥсь адямиос: одӥгез узыр улэ, мукетыз — куанер.

Реклама

Озьыен, нырысетӥ интые потӥз коньдон, ваньбур сьӧры уйиськон. Вунӥзы лулчеберет удысысь узырлык, адямилэн пушдунне чеберлыкез. Ваньмыз та вуттэ умойтэм югдуре. Умой сюрестӥ кошкон понна, аслыд ачид таӵе юанлы валэктон сётоно: мар со возьыт? Нырысь ик со малпаськытэ, умой уж лэсьтӥд меда тон шуыса. Со котькинлэн, дыр, вань. Кудӥзлэн ке со кыдёке ватэмын, нош кудӥзлэн ке ӝытлы быдэ изьыны уг лэзьы. Мукет сямен вераса — со тынад улэм-вылэмед. Бен малы соку асьме улонамы сомында коррупция? Малы возьытлык но солы сётӥськиз?

Мон малпасько, али асьме улонын трос сыӵе адямиос, кудъёсызлэн вань узырмыны луонлыксы. Та бордысен ик кутске «коррупция» шуон ужпум: кулэтэм кузьымъёс (взяткаос) кылдо, пӧртэм валантэм ужбергатонъёс (махинациос). Тросэз али басьто ватсам уждун, ӵемгес со ватэмын луэ выт тыронлэсь пегӟон вылысь. Коррупция — со кӧня ке гинэ адямилэн янгышез ӧвӧл, кыӵе ке степеньын — со быдэс государствомылэн янгышез. Та секыт социальной явление, кудӥз пумиське вань кадь кунъёсын, висъяське со быдӟалаезъя гинэ.

Малпаське али, коррупцилэн выжыез асьме бордысен ик уг пушйы меда? Малы асьмеос эмчи доры кузьымен мынӥськом? Малы куронмес ӝоггес лэсьтон понна коньдон мычиськом? Малы бен таӵе дыре возьытлык «изе»? Туала адями аслаз малпанъёсыныз улэ. Коррупция солы сьӧлык ӧвӧл, вылды. Оло малпа, узыр улон котькыӵе возьытлыклэсь вылӥ шуыса? Секыт валэктыны. Валамон одӥгез — коррупциез озьы гинэ выжытӥз «ӵогыны» уз луы, куке возьытлык ӧвӧл ини, яке, солэсь но умойтэм, возьытлык но коррупцилы вузаське, куке узыр но капчи улон нырысетӥ интые пото. Но вунэтыны кулэ ӧвӧл одӥгзэ — котькуд адями ачиз быръе, кызьы улоно та дунне вылын. Луэ огшоры узырлык, ваньбур сьӧры уйиськыса улыны. Луэ каньыл, возьытлыкез вунэтытэк улыны. Киыд «чылкыт» ке, возьытэд вань ке, улонэд но умой луоз. Соин мон ваньдэсты курисько: «Эн сапталэ киостэс со «дэриен», кельтэлэ пушдуннедэс чылкыт но яркыт! Кельтэлэ возьытлыктэс зэмос судья карыса! Эн вузалэ сое!»

Терентьева Карина,

Шор Кушкет школаысь

9 классысь дышетскись

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: