Хезмәт

Игътибар, бездә яңа бәйге!!!

"Бездән фото - сездән такмак" бәйгесендә катнашып үзеңнең иҗади осталыгыңны сынап кара?!

Хөрмәтле укучым, Сезнең игътибарга "Бездән фото - сездән такмак" бәйгесен тәкъдим итәбез. Сездән бары тик сайтыбызга урнаштырылган фотосурәт астына комментарийда такмак яисә шигырь язып калдыруыгыз сорала. Бәйгедә катнашу өчен, нәкъ менә сайтка кереп язу кирәк, социаль челтәрдәге төркемнәребездәге эшләр кабул ителмәячәк.

Такмак яисә шигырьне сайтка кереп язу өчен, социаль челтәрдәге төркемнәребездә урнаштырылган сылтамалар аша әлеге язманы ачыгыз. Язма астында "комментарии" бүлегендә "добавить комментарий" дигән язу өстенә тычкан белән чиертәсез дә такмак яисә шигырегезне язасыз. Текстны җыеп бетергәч "отправить" төймәсенә чиертәсез. Язма чыкмый дип хафаланырга кирәкми, аны веб-редактор карап чыкканнан соң сайтка чыгарачак. Сораулар туган очракта сезнең белән элемтәгә керәчәк, шуның өчен исем- фамилиягезне язарга онытмагыз.

Җиңүчене әлбәттә бүләк көтә. Бу юлы алар икәү булачак: бер җиңүчене гадәти тавыш бирү юлы белән билгеләсәк, икенчесен редакциябез коллективы белән берлектә сайлап алачакбыз.

Бәйгене бүгеннән ачык дип игълан итәбез, сезнең язмаларыгыз 17нче ноябрьгә кадәр кабул ителәчәк, 18нче ноябрьдән исә тавыш бирү башланачак. 25нче ноябрь көнне җңүчеләр билгеле булачак.

Киттек, Алага тапшырып! Уңышлар!!!

 

Реклама
Нравится
Поделиться:
Реклама
Комментарии (1)
Осталось символов:
  • 15 ноябрь 2019 - 12:14
    Без имени
    Эллэ корбан чалуны Туктатыйк микэн дуслар Жэл ич мондый тэкэне Кызганалар бик кызлар