Социаль пенсияләр индексацияләнәчәк. Күпмегә?

Социаль пенсияләр 1 апрельдән 14,5 процентка индексацияләнәчәк, дип белдергән Россия Министрлар Кабинеты башлыгы Михаил Мишустин. Бу хакта Шәһри Казан яза.

«Апрельдән- социаль пенсияләргә 14,5 проценттан артыграк түләү өстәячәк. Без гражданнарның тиешле акчаларны вакытында алуларын игътибар белән күзәтәбез», – дигән Министрлар Кабинеты башлыгы.

Моннан тыш, Мишустин билгеләп үткәнчә, агымдагы елның 1 гыйнварыннан иминият пенсияләре 7,3 процентка арттырылган, ә аннары Президент кушуы буенча, инфляциядән чыгып, өстәмә индексация үткәрелгән. «Бу күрсәткеч буенча хәрби пенсияләр, шулай ук 40тан артык төрле федераль социаль пособиеләр һәм түләүләр күтәрелде, 7,5 миллионнан артык эшләүче пенсионерлар өчен иминият пенсияләрен индексацияләүне дә яңарттылар», – дип өстәде ул.